పూర్వ విద్యార్థుల ఉదారత.

పూర్వ విద్యార్థుల ఉదారత.

కవిటి మండలం ఆర్ బెలగాం జిల్లా పరిషత్ ఉన్నత పాఠశాల 2010-11 బ్యాచ్‌కు చెందిన పదో తరగతి పూర్వ విద్యార్థులు తమ మంచి మనసును చాటుకున్నారు. ఆర్థిక ఇబ్బందులతో సతమతమవుతున్న తమ తోటి విద్యార్థి, గొర్లెపాడు గ్రామానికి చెందిన దుంగల శంకరరావు కుటుంబాన్ని సోమవారం పరామర్శించారు. ఈ సందర్భంగా అతని తల్లికి రూ. 10,000 ఆర్థిక సాయం అందించి అండగా నిలిచారు.

“మేమంతా ఒకే బడిలో చదువుకున్నాం. కష్టకాలంలో తోటి మిత్రుని కుటుంబానికి అండగా ఉండడం మా బాధ్యత. భవిష్యత్తులోనూ అవసరమైన ప్రతిసారీ తోడుగా ఉంటాం” అని పూర్వ విద్యార్థులు భరోసా ఇచ్చారు. తమ కష్ట సమయంలో ఆదుకున్న సహచర విద్యార్థులకు శంకరరావు కుటుంబ సభ్యులు కృతజ్ఞతలు తెలిపారు. పూర్వ విద్యార్థుల ఈ సహాయాన్ని స్థానికులు, ఉపాధ్యాయులు అభినందించారు.